*കന്നിമൂല യാഥാർത്ഥ്യമെന്ത്...?*
വീട് മറ്റു നിർമ്മിതകൾ
തുടങ്ങിയവയുടെ നിർമ്മാണാനുബന്ധമായി
തച്ചുശാസ്ത്രം അനുശാസിക്കുന്ന നിരവധി
മാർഗ്ഗ നിർദ്ദേശങ്ങളും നിയമങ്ങളുമുണ്ട്.
ഈ നിയമ നിർദ്ദേശങ്ങളിൽ ചിലത് ഇസ്ലാമിക
വിരുദ്ധവും മറ്റു ചിലത് മതപരമായി
എതിർക്കപ്പെടേണ്ടാത്തതുമാണ്.
ഇവയിൽ ഇസ്ലാമിക
വിരുദ്ധമായവയും അല്ലാത്തവയുമുണ്ട്.
വാസ്തു ശാസ്ത്രത്തിൽ പറയുന്ന
കാര്യങ്ങളെല്ലാം ഇസ്ലാമിക
വിരുദ്ധമെന്ന് പറയുക
സാധ്യമല്ലെങ്കിലും
*വാസ്തു പൂജ, വാസ്തു ബലി* പോലോത്തവ തെറ്റും
മതവിരുദ്ധവും ഏകദൈവ വിശ്വാസത്തിന്
കളങ്കമേൽപ്പിക്കുന്നതുമാണ് (ശിർക്ക്)
എന്നതില് ഒട്ടും സംശയമില്ല.
ഇതുപോലെ തന്നെ
നിശിദ്ധവും (ഹറാം) അനുകരിക്കാൻ
പാടില്ലാത്തതുമായ നിർദ്ദേശങ്ങൾ
വേറെയുമുണ്ട്.
അഥവാ,
ഇസ്ലാമിക
കർമ്മ-വിശ്വാസ ശാസ്ത്രങ്ങൾക്ക് വിരുദ്ധമായ
കാര്യങ്ങളെ ഒരിക്കലും
നീതീകരിക്കാനാവില്ല എന്ന്
ചുരുക്കം.
ഇനി, പ്രയോഗതലത്തിലേക്ക് വരുമ്പോൾ
മുസ്ലിംകൾ
വാസ്തു ബലി, വാസ്തു പൂജ
തുടങ്ങിയ മതവിരുദ്ധമായ കാര്യങ്ങൾ
ചെയ്യുകയോ ചെയ്യിക്കുകയോ
ഇല്ലെന്നതാണ് വസ്തുത.
എന്നാൽ
മതവിരുദ്ധമല്ലാത്ത കാര്യങ്ങൾ
കേവലം
*തച്ചുശാസ്ത്രത്തിന്റെ ഭാഗമാണ്* എന്നതു
കൊണ്ട്
എതിർക്കപ്പെടേണ്ടതില്ല എന്ന
കാര്യം ഏറെ പ്രസക്തമാണ്.
വാസ്തു ശാസ്ത്രമെന്നാൽ പലരും
ധരിച്ചുവെച്ചിരിക്കുന്ന പോലെ
കന്നിമൂലയും അനുബന്ധ പ്രശ്നങ്ങളും
മാത്രമല്ല.
ചിലയിടങ്ങളിൽ വീടു
വെക്കരുതെന്നും
വീടെടുത്താൽ ദോശകരമായി
ബാധിക്കുമെന്നും വാസ്തുശാസ്ത്രം
നമ്മെ ബോധിപ്പിക്കുന്നുണ്ട്.
ഉദാഹരണമായി
ഹൈന്ദവ ആരാധനാ
കേന്ദ്രങ്ങളായ അമ്പലങ്ങളുടെ
സമീപങ്ങളിൽ
വീടു
വെക്കരുതെന്ന് ഹൈന്ദവ ശാസ്ത്ര
വിദഗ്ദ്ധർ തന്നേ പറയുന്നുണ്ട്.
എന്നാൽ
ഇസ്ലാമികമായി ഇത്തരം സ്ഥലങ്ങളിൽ
വീട്, കെട്ടിടങ്ങൾ മുതലായവ പണി
കഴിക്കുന്നതിന്ന് വിരോധമില്ലെങ്കിൽ
പോലും പൈശാചികമായ ഉപദ്രവങ്ങൾക്ക്
സാധ്യതയേറെയാണ്.
കാരണം
സത്യനിഷേധികളുടെ ആരാധനാ മൂർത്തികൾ
നമ്മുടെ കാഴ്ചപ്പാടിൽ
പൈശാചിക
ശക്തികളാണ്.
ഇതുപോലെത്തന്നെയാണ്
കന്നിമൂലയിലെ ശൗചാലയ നിർമാണം,
ശൗചാലയത്തിനുള്ള കുഴി തുടങ്ങിയവയുടെ
നിർമ്മാണവും.
ഇത്തരം നിർമ്മിതികൾ
അവരുടെ ദേവന്മാരുടെ
കോപത്തിന്നും അപ്രീതിക്കും
വഴിവെക്കുമെന്നാണ് അവരുടെ
വിശ്വാസം.
അഥവാ,
നാം
ശൈത്താന്മാരെന്ന്
വിളിക്കുന്ന
*ദേവൻ,ദേവി, അസുരൻ, ഭൂതങ്ങൾ* തുടങ്ങിയവരുടെ
ബുദ്ധിമുട്ടുകൾ ഉണ്ടാകുമെന്നർത്ഥം.
പിശാചുക്കൾ ഉപദ്രവം
ചെയ്യുമെന്ന് വിശ്വസിക്കുന്നത്
ഒരിക്കലും നമ്മുടെ
ആശയാദർശങ്ങൾക്ക് വിരുദ്ധമല്ല താനും.
മാത്രമല്ല പിശാചുക്കളുടെ കഴിവുകളെ
കുറിച്ച് വിശുദ്ധ ഖുർആൻ തന്നെ
പ്രതിപാദിക്കുന്നുമുണ്ട്.
*മറ്റൊരുകാര്യം,*
നാം ശത്രുവിന്റെ
കഴിവിനെ അംഗീകരിച്ചു
കൊടുക്കുന്നത് അവരോടുള്ള
ആദരവുകൾ കൊണ്ടോ ബഹുമാനം
കൊണ്ടോ അല്ല. മറിച്ച് അവരുടെ
ഉപദ്രവങ്ങളിൽ
നിന്ന് രക്ഷ നേടാൻ വേണ്ടി
മാത്രമാണ്.
ഉദാഹരണത്തിന്
ഒരു സ്ഥലത്ത് ഉഗ്ര വിഷമുള്ള ഒരു
സർപ്പമുണ്ടെന്ന് ഒരാൾ അറീച്ച് തന്നാൽ
അയാൾ ഇതര സമുദായത്തിലെ
പ്രതിനിധിയാണെങ്കിൽ
പോലും
സർപ്പത്തെ കൊന്നു
കീഴടക്കാൻ മാത്രം ശേഷിയില്ലാത്ത ഒരാൾ
അവിടേക്ക് പോവാതിരിക്കുന്നതിനെ
നമുക്കെങ്ങിനെ
എതിർക്കാനാവും? (സർപ്പത്തോടുള്ള
വിധേയപ്പെടലായി ഈ ഒഴിഞ്ഞു
മാറലിനെ എങ്ങിനെയാണ്
വിലയിരുത്താനാവുക?)
ഇസ്ലാമിക ശരീഅത്ത്
സ്വഭൂമിയിലെവിടെയും
വീടെടുക്കാൻ അനുമതി
നൽകെത്തന്നെ പഞ്ചായത്ത്,
മുനിസിപ്പാലിറ്റി തുടങ്ങി ഭരണകൂടം
അനുശാസിക്കുന്ന നിയമങ്ങൾ പാലിച്ചു
മാത്രമല്ലേ നാം വീടെടുക്കാറുള്ളൂ.
അപ്രകാരം തന്നെയാണ് വാസ്തു
ശാസ്ത്ര നിയമങ്ങൾ പാലിക്കുന്നതും.
*പിശാചുക്കൾക്ക് കഴിവുണ്ടോ?*
ജിന്ന്, ശൈത്വാന് ഇവ രണ്ടും ഒരു
വിഭാഗമാണെന്നാണ് ഭൂരിപക്ഷ
പണ്ഡിതന്മാരുടെയും പക്ഷം.
മുസ്ലിം ആണെങ്കിൽ *ജിന്ന്*
എന്നും കാഫിറാണെങ്കില് *ശൈത്വാൻ* എന്നും
വിളിക്കപ്പെടുന്നുവെന്നതാണ്
പ്രബലാഭിപ്രായം.
വ്യത്യസ്ഥ തരം
പിശാചുക്കളെ കുറിച്ചും ഇസ്ലാമിക
ഗ്രന്ഥങ്ങളിൽ തന്നെ കാണാം.
ഇഫ്രീത്ത്
വിഭാഗത്തിന്റെ അസാധാരണമായ
ശക്തി വൈഭവത്തെ കുറിച്ച്
സൂറത്തുന്നംലിലെ 39-ാം
സൂക്തത്തിൽ കാണാം.
സൂറത്തുസ്സബഅ് 13-ാം സൂക്തവും
സൂറത്തുൽ അമ്പിയാഅ് 82-ാം സൂക്തവും
സൂറത്തുൽ ബഖറ 168-ലും മറ്റുമായി പിശാച് മനുഷ്യന്റെ
കഠിന ശത്രുവാണെന്ന ഖുർആന്റെ
ഓർമ്മപ്പെടുത്തൽ ഇവിടെ ചേർത്തു
വായിക്കേണ്ടതാണ്.
*പിശാച് മനുഷ്യന്റെ എതിരാളിയാണെന്ന്* ഖുർആനും
*വാസ്തു ശാസ്ത്ര നിയമങ്ങൾ പാലിക്കാതിരുന്നാൽ ഉണ്ടായേക്കാവുന്ന വിപത്തുകളെ* കുറിച്ച്
പിശാചിന്റെ സിൽബന്ധികളായ ഹൈന്ദവ
സഹോദരങ്ങളും മുന്നറിയിപ്പ് നൽകുന്ന
സാഹചര്യത്തിൽ ഇസ്ലാമിക വിരുദ്ധമല്ലാത്ത
അത്തരം നിര്ദ്ദേശങ്ങൾ പാലിക്കുന്നതു
കൊണ്ട് എന്തു പ്രശ്നമാണുള്ളത് ?
എന്നാൽ,
ഇത്തരം
മാനദണ്ഡങ്ങളൊന്നും
പാലിക്കാതിരുന്നിട്ടും
പ്രശ്നങ്ങളിലകപ്പെടാതെ
ജീവിതം മുന്നോട്ടു കൊണ്ടു
പോകുന്നവരുമുണ്ടല്ലോ എന്നു
ചോദിക്കുന്നവരുണ്ട്.
പലപ്പോഴും യാദൃശ്ചികമായി
തച്ചുശാസ്ത്ര നിയമങ്ങളുമായി യോജിച്ചു വരുന്ന
നിർമ്മാണമാണ് അതിന്റെ
കാരണങ്ങളിലൊന്നെന്ന്
പറയേണ്ടി വരും.
മറ്റൊന്ന്,
മഹാന്മാരുടെ കാർമ്മികത്വത്തിൽ
നിർവ്വഹിക്കപ്പെട്ട
നിർമാണമാണെങ്കിൽ അവരുടെ
ആത്മീയ ശക്തി കൊണ്ട്
പ്രശ്നങ്ങളെല്ലാം
പരിഹരിക്കപ്പെടാനും സാധ്യതയുണ്ട്.
*വീട് വെക്കുമ്പോൾ ശ്രദ്ധിക്കേണ്ട കാര്യങ്ങൾ*
ഭൂമിയിൽ മനുഷ്യ വാസത്തിന് യോഗ്യമല്ലാത്ത
ചിലയിടങ്ങളുണ്ട്.
മനുഷ്യസൃഷ്ടിപ്പിനു മുമ്പേ സൃഷ്ടിക്കപ്പെട്ട
ജിന്ന്, ശൈത്വാന്മാരും
ഈ ഭൂമിയില്
തന്നെയാണല്ലോ വസിച്ചു പോകുന്നത്.
നമ്മുടെ പ്രത്യക്ഷ ശത്രുവായ അവർ
തങ്ങളുടേതെന്ന് കരുതുന്ന ഭൂമിയാണ്
നാം വീടു വെക്കാൻ
തെരെഞ്ഞെടുക്കുന്നതെങ്കിൽ
അവർ നമ്മെ
ഉപദ്രവിക്കാൻ സാധ്യത കൂടുതലാണ്.
അവരെ ആ സ്ഥലത്ത് നിന്ന്
കെട്ടുകെട്ടിക്കാന് കഴിവില്ലാത്ത
പക്ഷം അത്തരം സ്ഥലങ്ങൾ
ഉപേക്ഷിക്കുകയെന്നത് മാത്രമാണ്
നമുക്ക് ചെയ്യാനാവുക.
ചുരുക്കത്തിൽ,
ഒരു സാധാരണ മനുഷ്യനെ
സംബന്ധിച്ചേടത്തോളം വീട്
നിർമ്മാണനിയമങ്ങൾ പാലിക്കുന്നതു
തന്നെയാണ് അവന്റെ
ആരോഗ്യത്തിന് ഗുണകരം.
മഴ, വെയിൽ
തുടങ്ങിയ പ്രകൃതി പ്രതിഭാസങ്ങളെ
പരിഗണിച്ച്, രോഗാണുക്കൾ, വിഷ ജന്തുക്കൾ
തുടങ്ങിയവയൊക്കെ
പരിഗണിച്ച് അവയെ പ്രതിരോധിക്കാൻ
പ്രാപ്തമായ രീതിയിൽ ഗൃഹനിർമ്മാണം
നിർവ്വഹിക്കാറില്ലേ. എന്നാൽ നമ്മുടെ
ആജന്മ ശത്രുവായ പിശാചിന്റെ
അക്രമണ, ഉപദ്രവങ്ങളിൽ നിന്ന് രക്ഷ നേടാൻ
ചില നിയമങ്ങൾ നമുക്കും പാലിച്ചുകൂടേ..?!
*ഇനി വീട്, സ്ഥലം മുതലായവയുടെ ഗുണദോഷങ്ങളെ കുറിച്ച് പ്രമാണങ്ങൾ പരാമർശിക്കുന്നുണ്ടോ എന്ന് പരിശോധിക്കാം*
സൂറത്തുൽ ഇസ്റാഇൽ ബൈത്തുൽ മുഖദ്ദസ്
കുടികൊള്ളുന്ന അതിന്റെ
ചുറ്റുപാടും
അനുഗ്രഹിക്കപ്പെട്ടതാണ്
(ബറക്കത്ത്
ചെയ്യപ്പെട്ടതാണ്) എന്ന്
പറഞ്ഞിട്ടുണ്ട്.
എന്നാൽ,
ചില നാടുകളെയും
പ്രദേശങ്ങളെയും കുറിച്ച് മോശമായും
ചിലയിടങ്ങളിൽ അല്ലാഹുവിന്റെ
കോപവും ശിക്ഷയും ഇറങ്ങിയതായും
പ്രമാണങ്ങളിൽ കാണാനാവും.
മാത്രമല്ല,
യാത്രക്കിടയിലും മറ്റും അത്തരം
സ്ഥലങ്ങൾ അതിവേഗം
വിട്ടുകടക്കണമെന്ന്
ഹദീസുകളിലുമുണ്ട്.
അനസ് (റ)
നിവേദനം ചെയ്ത ഹദീസ്
ഇങ്ങിനെയാണ്,
അൻസ്വാരികളിൽപെട്ട ഒരു വ്യക്തി പ്രവാചകനോട്
പറഞ്ഞു:
ഞങ്ങൾ
ഒരു വീട്ടിലായിരുന്നു.
അവിടെ ഞങ്ങൾ ഒത്തിരി പേരുണ്ടായിരുന്നു,
ധാരാളം സമ്പത്തുമുണ്ടായിരുന്നു.
എന്നാൽ
ഞങ്ങൾ താമസം മാറിയപ്പോൾ
ഞങ്ങളുടെ അംഗബലവും
സാമ്പത്തിക ഭദ്രതയും കുറഞ്ഞു.
ഇതു കേട്ട
പ്രവാചകൻ(സ്വ) പറഞ്ഞു:
നിങ്ങൾ
നിന്ദ്യമായ നാടിനെ ഉപേക്ഷിച്ചു പോവുക.
ﻋﻦ ﺍﻧﺲ ﺑﻦ ﻣﺎﻟﻚ ﻗﺎﻝ ﺟﺎﺀ ﺭﺟﻞ ﻣﻦ ﺍﻻﻧﺼﺎﺭ ﺇﻟﻰ ﺭﺳﻮﻝﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ
ﻓﻘﺎﻝ: ﻳﺎﺭﺳﻮﻝ ﺍﻟﻠﻪ ﺍﻧﺎ ﻛﻨﺎ
ﻓﻲ ﺩﺍﺭ
ﻛﺜﻴﺮ ﻓﻴﻬﺎ ﻋﺪﺩﻧﺎ ﻭﻛﺜﻴﺮ ﻓﻴﻬﺎ ﺍﻣﻮﺍﻟﻨﺎ
ﺛﻢ ﺗﺤﻮﻟﻨﺎ
ﺇﻟﻰ ﺩﺍﺭ ﺍﺧﺮﻯ
ﻓﻘﻞ ﻓﻴﻬﺎ ﻋﺪﺩﻧﺎ ﻭﻗﻠﺖ ﻓﻴﻬﺎ ﺍﻣﻮﺍﻟﻨﺎ
ﻓﻘﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ:
ﺩﻋﻮﻫﺎ ﺫﻣﻴﻤﺔ
(സുനനുൽ കുബ്റ, ബൈഹഖി)
*ഒന്നിനു പിറകെ ഒന്നായി ആളുകൾ വന്നു താമസിക്കുകയും അവരെല്ലാം നശിക്കുകയും ചെയ്ത എത്ര വീടുകളാണ്* വീടിന്റെ
അപശകുനത്തെ കുറിച്ച്
ചോദിക്കപ്പെട്ടപ്പോൾ ഇമാം മാലിക് (റ)
നൽകിയ ഈ മറുപടി ഇവിടെ
വളരെയധികം പ്രസക്തമാണ്.
ﻗَﺎﻝَ ﺃَﺑُﻮ
ﺩَﺍﻭُﺩَ ﻗُﺮِﺉَ ﻋَﻠَﻰ ﺍﻟْﺤَﺎﺭِﺙِ ﺑْﻦِ ﻣِﺴْﻜِﻴﻦٍ ﻭَﺃَﻧَﺎ ﺷَﺎﻫِﺪٌ ﺃَﺧْﺒَﺮَﻙَ
ﺍﺑْﻦُ ﺍﻟْﻘَﺎﺳِﻢِ ﻗَﺎﻝ
َ ﺳُﺌِﻞَ ﻣَﺎﻟِﻚٌ ﻋَﻦِ ﺍﻟﺸُّﺆْﻡِ ﻓِﻰ ﺍﻟْﻔَﺮَﺱِ
ﻭَﺍﻟﺪَّﺍﺭِ
ﻗَﺎﻝَ
*ﻛَﻢْ ﻣِﻦْ ﺩَﺍﺭٍ ﺳَﻜَﻨَﻬَﺎ ﻧَﺎﺱٌ ﻓَﻬَﻠَﻜُﻮﺍ ﺛُﻢَّ ﺳَﻜَﻨَﻬَﺎ ﺁﺧَﺮُﻭﻥَ ﻓَﻬَﻠَﻜُﻮﺍ*
ﻓَﻬَﺬَﺍ ﺗَﻔْﺴِﻴﺮُﻩُ ﻓِﻴﻤَﺎ ﻧَﺮَﻯ ﻭَﺍﻟﻠَّﻪُ ﺃَﻋْﻠَﻢ.
താമസയോഗ്യമല്ലാത്ത
സ്ഥല-സാഹചര്യങ്ങളുണ്ടെന്ന്
ഇവയിൽ നിന്ന്
മനസ്സിലാക്കാം.
അതുകൊണ്ടുതന്നെ വീട് എടുക്കുന്നതിനു മുമ്പ്
സ്ഥലസാഹചര്യങ്ങൾ
വാസയോഗ്യമാണോ എന്ന് തീർച്ചയായും
പരിശോധിക്കേണ്ടതാണ്.
ഇനി, വീട്
താമസയോഗ്യമല്ലെങ്കില് അവിടുന്ന്
മാറിത്താമസിക്കണമെന്നാണ് പ്രവാചകന്
(സ്വ)-യുടെ വാക്ക്.
മറ്റു നാടുകളോട്/പ്രദേശങ്ങളോട് താരതമ്യം
ചെയ്യുമ്പോൾ ഇന്ത്യയിൽ
വാസ്തു
സംബന്ധിയായ പ്രശ്നങ്ങൾ ധാരാളമാണ്.
നമ്മുടെ രാഷ്ട്രം ഹൈന്ദവ/ ഇസ്ലാമേതര
സംസ്കാരങ്ങളുടെ
കളിത്തൊട്ടിലായിരുന്നതിനാൽ
തന്നെ ഇവിടെ ക്ഷേത്ര,
പ്രതിഷ്ഠകൾ ധാരാളമുണ്ടെന്നതും
പൈശാചിക ബാധക്ക്
സാധ്യതയേറെയുള്ളതാണെന്നതും
തന്നെയാണ് അതിനു കാരണം.
നമ്മുടെ മുൻഗാമികളായ പണ്ഡിത
ശ്രേഷ്ഠരും മഹത്തുക്കളും
വീട്,
സ്ഥല നിർണ്ണയത്തെ
എതിർത്തിരുന്നില്ല എന്നതു തന്നെ ഈ
നിയമങ്ങൾ
പാലിക്കപ്പെടേണ്ടതാണെന്നതിലേക്കുള്ള സൂചനയാണ്.
ഇനി, വാസ്തു സംബന്ധമായ
പ്രശ്നങ്ങൾ പരിഹരിക്കാൻ *ദൈവസ്മരണ/ ദിക്റുകൾ പതിവാക്കിയാൽ* മതിയല്ലോ എന്ന സംശയം കൂടി ബാക്കിയുണ്ട്.
നിബന്ധനയോടെ,
മനസ്സാന്നിധ്യത്തോടെയുള്ള ദിക്റുകൾക്ക്
ഇവയെ ചെറുത്തു
തോൽപ്പിക്കാനാവില്ലെന്ന് പറയാനാവില്ല.
എന്നാൽ,
എല്ലാവരും ദിക്ർ
പതിവാക്കുന്നവരാണോ ?
ദിക്റിനെ കുറിച്ച്
ബോധവാന്മാരാണെങ്കിൽ കൂടി അവ
സ്വീകാര്യമായാലല്ലേ ഉദ്ദേശ്യം
സഫലമാവുകയുള്ളൂ ?
മാത്രമല്ല,
മേലുദ്ദരിക്കപ്പെട്ട ഹദീസുകളിൽ
പ്രതിവിധിയായി ദിക്റുകൾ നൽകുകയല്ല മറിച്ച്
വീട് മാറിപ്പോകാൻ നിർദ്ദേശിക്കുകയായിരുന്നു
പ്രവാചകൻ സ്വീകരിച്ച രീതി
എന്നത് നാം ശ്രദ്ധിക്കേണ്ടതുണ്ട്.
പൂർവ്വസൂരികളായ *ശൈഖുനാ ശംസുൽ ഉലമ*
അടക്കമുള്ള പല മഹാന്മാരും പണ്ഡിത
ശ്രേഷ്ഠരും
വീടിന്റെയും
സ്ഥലത്തിന്റെയും ദോഷമുള്ളിടത്ത്
നിന്ന് മാറിത്താമസിക്കാൻ പറഞ്ഞതിന്ന്
നിരവധി തെളിവുകളുണ്ട്.
***************
